Maamul Wanaag

Nidaamka federaalka Soomaaliya weli si buuxda uma keenin daadejin awoodeed, ka qayb-gal muwaaddin oo macno leh iyo isla xisaabtan heerarka kala duwan ee dowladda. Dawladaha hoose ayaa ah heerka dowladda ee ugu dhow muwaadiniinta, isla markaana ugu habboon inay wax ka qabtaan baahiyaha iyo adeegyada maxalliga ah. Sidaas darteed, xoojinta dawladaha hoose waxay muhiim u tahay in maamulka iyo adeegyada loo soo dhaweeyo bulshada.
Qeybta 83-aad ee Maamul Wanaag Podcast, Mahad Wasuge iyo Farhan Isak Yusuf, Agaasime Ku-xigeenka Somali Public Agenda (SPA) ahna qoraaga warbixin ay dhawaan SPA daabacday, ayaa isla gorfeynaya xiriirka u dhexeeya muwaadiniinta iyo dowladaha hoose, casharrada laga bartay kulamadii muwaadiniinta iyo masuuliyiinta dowladaha hoose ee lagu qabtay afar degmo, caqabadaha hortaagan daadejinta awoodaha iyo adeegyada, dakhliga dowladaha hoose, iyo ka qayb-galka muwaadiniinta ee go’aannada iyo miisaaniyadda dowladaha hoose.
Contact Somali Public Agenda’s Maamul Wanaag Podcast
·      Tweet us at @somalipubagenda and @MahadWasuge (the host)
·      Email us at podcasts@somalipublicagenda.org
Thanks for listening!

Tan iyo burburkii dowladdii dhexe, Soomaaliya waxay la daalaa dhacaysay dagaallo sokeeye oo wejiyo kala duwan leh. Kaddib dadaallo badan oo dib-u-heshiisiin ah, waxaa Jamhuuriyadda Saddexaad lagu dhisay shirkii nabadda iyo dib-u-heshiisiinta ee lagu qabtay magaalada Carta ee dalka Jabuuti. Rubuc qarni kaddib shirkaas, caqabadaha siyaasadeed iyo kuwa bulsho ee Soomaaliya weli ma helin xal waara. 
Qaybta 82-aad ee Maamul Wanaag Podcast, Mahad Waasuge iyo Suldaan Cabdisalaan Suldaan Maxamuud, oo ah khabiir ku xeeldheer nabadda iyo xallinta khilaafaadka, ayaa isla gorfeynaya arrimaha la xiriira nabadda, dib-u-heshiisiinta iyo dowlad-dhiska Soomaaliya. 
Contact Somali Public Agenda’s Maamul Wanaag Podcast
·      Tweet us at @somalipubagenda and @MahadWasuge (the host)
·      Email us at podcasts@somalipublicagenda.org
Thanks for listening!

Geeddi-socodka dowlad-dhiska Soomaaliya ayaa afartii sanaba mar gala marxalad doorasho oo xasaasi ah, taas oo u baahan in si miir-qab iyo masuuliyad leh loo maareeyo. Puntland, oo ah dowlad-goboleedkii ugu horreeyay ee Soomaaliya ka dhismay, ayaa saddexdii muddo-xileed ee ugu dambeeyay soo bandhigtay tabashooyin la xiriira hannaanka loo marayo geeddi-socodka dowlad-dhiska Soomaaliya. 

Qaybta 81-aad ee Maamul Wanaag Podcast, Mahad Waasuge iyo Cabdi Faarax Saciid (Juxa), oo ah wasiirkii hore ee arrimaha gudaha Soomaaliya, sidoo kalena wasiirka arrimaha gudaha iyo wasiirka waxbarashada ka soo noqday Puntland, ayaa ku gorfeynaya arrimaha la xiriira federaalka, dowlad-dhiska iyo doorashooyinka heer federaal.   
Contact Somali Public Agenda’s Maamul Wanaag Podcast
·      Tweet us at @somalipubagenda and @MahadWasuge (the host)
·      Email us at podcasts@somalipublicagenda.org
Thanks for listening!

Waxaa socda dadaallo looga heshiinayo nooca doorasho ee baarlamaanka federaalka Soomaaliya ee xiga. Waxaa jira saluug ah in doorashooyinkii dadbanaa ee hore aanay soo saarin xildhibaanno leh tayadii laga filayay. Su’aasha muhiimka ahi waxa ay tahay: sidee ayay noocyada doorasho ee laga wada hadlayo u abuuri karaan fursad lagu helo xildhibaanno leh tayada laga filayo?
Calinuur Boodaaye waxa uu kamid ahaa baarlamaankii 9-aad. Waxa uu qiimeyn iyo gorfeyn ku sameeyay baarlamaankii uu ka tirsanaa. 
Qeybta 80-aad ee Maamul Wanaag Podcast, Mahad Waasuge iyo Calinuur Boodaaye waxa ay isla gorfeynayaan sida uu u shaqeeyo baarlamaanka iyo sida loo qaabeyn karo nidaamka doorashada si loo helo xildhibaanno tayo leh, xilligan laga wada xaajoonayo doorashada baarlamaanka 12-aad. 
Contact Somali Public Agenda’s Maamul Wanaag Podcast
·      Tweet us at @somalipubagenda and @MahadWasuge (the host)
·      Email us at podcasts@somalipublicagenda.org
Thanks for listening!

Miisaaniyadda Dowladda Federaalka Soomaaliya ee 2026, oo uu Baarlamaanka Federaalka ansixiyay dhammaadkii 2025, ayaa gaareysa $1.39 bilyan. Inkastoo hiigsigu weli yahay “ku tiirsanaanta awooddeena dakhli”, 65% miisaaniyadda waxaa laga filayaa deeq-bixiyeyaasha, kuwaas oo ku bixinaya taageero mashaariic iyo kabka miisaaniyadda. Dakhliga gudaha ee la filayo ayaa ah 35%. 

Qeybta 79-aad ee Maamul Wanaag Podcast, Mahad Wasuge  iyo Farhia Mohamud, oo ah cilmibaare ka tirsan Somali Public Agenda (SPA) ahna Agaasimaha SPA Policy Lab, ayaa isla gorfeynaya nuxurka faallo qoto-dheer oo ay Somali Public Agenda ka sameysay miisaaniyadda Dowladda Federaalka ee 2026, taas oo ay Farxiya qortay. 
Contact Somali Public Agenda’s Maamul Wanaag Podcast
·      Tweet us at @somalipubagenda and @MahadWasuge (the host)
·      Email us at podcasts@somalipublicagenda.org
Thanks for listening!