ភ្ញៀវប្រចាំថ្ងៃ

Episodios disponibles

de

លោក កង ឫទ្ធីសាល៖ ការរីកចម្រើនរបស់សិល្បករ ជាមោទនភាពរបស់អម្រឹតាសិល្បៈ

ចាប់ពីឆ្នាំ២០១៩តទៅ លែងមានទៀតហើយ អង្គការអម្រឹតាសិល្បៈ។ អង្គការអម្រឹតាសិល្បៈ បានសម្រេចចិត្តបញ្ចប់អាណត្តិបេសកកម្មរបស់ខ្លួន ក្នុងវិស័យទស្សនីយភាពខ្មែរ បន្ទាប់ពីបើកដំណើរការអស់រយៈពេល១៥ឆ្នាំ។ រយៈពេល១៥ឆ្នាំកន្លងមកនេះ អង្គការអម្រឹតាសិល្បៈបានរួមចំណែកយ៉ាងសកម្ម និងកសាងសមិទ្ធផលយ៉ាងច្រើននៅក្នុងវិស័យសិល្បៈនៅកម្ពុជា។ ប៉ុន្តែសម្រាប់លោក កង ឫទ្ធីសាល នាយកប្រតិបត្តិនៃអង្គការអម្រឹតាសិល្បៈ អ្វីដែលសំខាន់ជាងនេះទៅទៀតគឺដំណើរជីវិតនៃការរីកចម្រើនរបស់សិល្បករ។ ដំណើរជីវិតនៃការរីកចម្រើនរបស់សិល្បករ បើតាមលោក កង ឫទ្ធីសាល គឺជាសមិទ្ធផលប្រកបដោយមោទកភាពរបស់អម្រឹតាសិល្បៈ។

លោក ថេង សាវឿន៖កសិករគួរងាកមកដាំដំណាំផ្សេងៗបន្ថែម ខណៈទីផ្សារអង្ករទៅអឺរ៉ុបត្រូវជាប់ពន្ធ

ភ្ញៀវប្រចាំថ្ងៃរបស់វិទ្យុបារាំងអន្តរជាតិRFIនៅពេលនេះ គឺលោក ថេង សាវឿន ប្រធានសម្ព័ន្ធ សហគមន៍ កសិករកម្ពុជា។ កសិករកម្ពុជាដែលកំពុងតែបារម្ភពីតម្លៃស្រូវធ្លាក់ចុះ ខណៈសហភាពអឺរ៉ុបតម្រូវឲ្យកម្ពុជាបង់ពន្ធលើការនាំអង្ករទៅលក់លើទីផ្សារនៃបណ្តុំប្រទេសលោកសេរីទាំងនេះ។ បើតាម លោក ថេង សាវឿន ដើម្បីដោះស្រាយបញ្ហានេះ គឺលោកចង់ឲ្យកសិករងាកទៅដាំដំណាំផ្សេងៗបន្ថែមពីលើស្រូវតែមួយមុខ។ លើសពីនេះ លោក ថេង សាវឿន ក៏ចង់ឲ្យរដ្ឋាភិបាលបញ្ចេញប្រាក់ខ្លះដើម្បីទប់ទល់ការធ្លាក់ចុះនៃតម្លៃស្រូវអង្ករផងដែរ។

លោក ឡុង កែមវិចិត្រ៖«កម្ពុជានឹងសិក្សាច្បាស់លាស់ពីបទដ្ឋានច្បាប់ ដើម្បីធ្វើការតវ៉ាទៅសហភាពអឺរ៉ុប»

ជុំវិញវិធានការការពារទីផ្សាររបស់សហភាពអឺរ៉ុប ដែលធ្វើឲ្យមានការសម្រេចដកពន្ធគយអនុគ្រោះពីកម្ពុជា ក្នុងការនាំអង្ករកម្ពុជាទៅសហភាពអឺរ៉ុបរយៈពេល៣ឆ្នាំ ក្រសួងពាណិជ្ជកម្មកម្ពុជា នឹងធ្វើការសិក្សាអំពីលទ្ធភាពធ្វើការតវ៉ានាំយកទីផ្សារអឺរ៉ុបសម្រាប់អង្ករកម្ពុជាឡើងវិញ។ លោក ឡុង កែមវិចិត្រ អ្នកនាំពាក្យរងក្រសួងពាណិជ្ជកម្ម ថ្លែងថាកម្ពុជាអាចនៅមានច្រកចេញដោយសាររបាំងពន្ធគយសហភាពអឺរ៉ុប បានរាប់បញ្ចូលទាំងអង្ករក្រអូបកម្ពុជា ដែលប្រទេសជាសមាជិកអឺរ៉ុបអត់មានផលិត។

កញ្ញា សុខ ណាលីស និង លោក នួន ឆៃលត៖ នាដកនិងនាដការី នឹងរាំ «ភ្លូក» ក្នុងរបាំរឿងនាងវឌ្ឍនាទេវី

របាំព្រះរាជទ្រព្យរឿងនាងវឌ្ឍនាទេវី នឹងចាប់សម្ដែងជូនទស្សនិកជននៅសាលមហោស្រពចតុមុខ ពីថ្ងៃសៅរ៍ស្អែកនេះរហូតដល់ថ្ងៃអាទិត្យ។ កញ្ញា សុខ ណាលីស និង លោក នួន ឆៃលត ដែលជានាដកនិងនាដកា បានឲ្យដឹងនៅក្នុងបទសម្ភាសជាមួយវិទ្យុបារាំងអន្ដរជាតិថា អ្នករបាំទាំងអស់ នឹងរាំរបាំរឿងនាងវឌ្ឍនាទេវីនេះ តាមរបៀប «ភ្លូក»។ ជាចលនារាំតាំងពីឆ្នាំ ១៩០៦ ដែលសម្ដេចព្រះរាមបុប្ផាទេវី ស្រាវជ្រាវឡើងវិញ ហើយរៀបចំដំឡើងជារឿងមួយថ្មីដើម្បីជាចំណីចក្ខុរបស់ទស្សនិកជន។

លោក ឧកញ៉ា សុង សារ៉ន៖«កម្ពុជានៅតែមានច្រកចេញ និងមានទីផ្សារអង្ករផ្សេង តែមិនអាចអត់អឺរ៉ុបទាំងស្រុងបានទេ»

ទីបំផុតសហភាពអឺរ៉ុបដែលប្រជុំដោយប្រទេសជឿនលឿនចំនួន២៨ប្រទេស នឹងគិតពន្ធនាំចូលអង្ករពីប្រទេសកម្ពុជា នៅក្នុងរយៈពេល៣ឆ្នាំខាងមុខ។ ជាវិធានការដែលទាក់ទងទៅនឹងប្រព័ន្ធ Safe Guard ស្នើឡើងដោយអ៊ីតាលីនិងអេស្ប៉ាញ។ ទោះជាមិនទាន់ចេញសេចក្តីសម្រេចផ្លូវការក៏ដោយ តែលោកឧកញ៉ា សុង សារ៉ន អគ្គនាយកក្រុមហ៊ុន Amru Rice ដែលជាក្រុមហ៊ុននាំអង្ករចេញធំមួយទៅកាន់ទីផ្សារអឺរ៉ុបថ្លែងថា កម្ពុជានៅតែមានសង្ឃឹមចរចាជាមួយសហភាពអឺរ៉ុប ខណៈបញ្ហានេះ មិនមានជាប់ពាក់ព័ន្ធនឹងបញ្ហា EBA នោះទេ គឺគ្រាន់តែជួនពេលគ្នាដោយចៃដន្យប៉ុណ្ណោះ។