ព្រឹត្តិការណ៍កម្ពុជាប្រចាំថ្ងៃ

Episodios disponibles

de

ព្រឹត្តិការណ៍កម្ពុជាប្រចាំថ្ងៃ - តើសវនាការកាត់ទោស លោក កឹម សុខា អាចចៀសផុតពីការរិះគន់ បើបើកឲ្យមហាជនចូលរួមស្តាប់?

អ្នករាយការណ៍ពិសេសទទួលបន្ទុកផ្នែកសិទ្ធិមនុស្សនៃអង្គការសហប្រជាជាតិ ចំនួន៣រូប បានចេញសេចក្តីថ្លែងការណ៍មួយ កាលពីថ្ងៃទី ១៧ មករា ដោយបានរិះគន់ទៅលើដំណើរការសវនាការកាត់ទោសលើអតីតមេដឹកនាំបក្សប្រឆាំងលោក កឹម សុខា ថា ធ្វើឡើងដោយប្រឡូកប្រឡាក់ក្នុងរឿងនយោបាយ និងបានរិតត្បិតសាធារណជនមិនឲ្យចូលរួមតាមដានដោយផ្ទាល់។ ចំណែកអង្គការសង្គមស៊ីវិលជាង៨០ ក៏បានចេញសេចក្តីថ្លែងការណ៍រួមមួយដែរ កាលពីថ្ងៃទី ១៦ មករាថា សវនាការកាត់ទោសលើអតីតប្រធានគណបក្សប្រឆាំងលោក កឹម សុខា គួរត្រូវបានអនុញ្ញាតឲ្យក្រុមគ្រួសារ អ្នកសារព័ត៌មាន និងអង្គការសង្គមស៊ីវិលបានចូលរួមតាមផងដែរ។ តើហេតុអ្វី?

ព្រឹត្តិការណ៍កម្ពុជាប្រចាំថ្ងៃ - ហេតុអ្វីបានជាក្មេងៗសម័យនេះមួយចំនួនចូលចិត្តបង្កហិង្សានៅតាមសាលារៀននិងក្រៅសាលារៀន?

ករណីក្មេងៗសិស្សសាលាបង្កហិង្សានៅតាមសាលារៀន និងក្រៅសាលារៀនកំពុងត្រូវបានការចាប់អារម្មណ៍ខ្លាំងនៅសប្តាហ៍នេះ។ គឺករណីសិស្សស្រីចំនួន៤នាក់បានវាយទាត់ធាក់ទៅលើសិស្សស្រីម្នាក់នៅវិទ្យាល័យផ្សារដើមថ្កូវកាលពីចុងខែធ្នូឆ្នាំ២០១៩ តែទើបត្រូវបានបែកធ្លាយវីដេអូកាលពីពេលថ្មីៗនេះ និងករណីក្មេងស្រីម្នាក់នៅស្រុកមេសាងគំរាមវាយប្រហារជាសាធារណៈទៅលើគូទំនាស់ដែលជិះម៉ូតូឆ្លងកាត់ស្រុករបស់ខ្លួនកាលពីថ្ងៃទី១៤ខែមករាកន្លងមកនេះ។ តើមានកត្តាអ្វីខ្លះបានជាក្មេងៗសិស្សសាលាមួយចំនួនចូលចិត្តបង្កហិង្សានៅតាមសាលារៀន និងក្រៅសាលារៀន?

ព្រឹត្តិការណ៍កម្ពុជាប្រចាំថ្ងៃ - តើគណបក្សប្រជាជន ពិតជាមិនមានប្រពៃណីបន្តតំណែងមេដឹកនាំប្រទេសពីឱពុកទៅកូន?

នៅក្នុងជំនួបប្រចាំឆ្នាំលើកទី៤ជាមួយនឹងអ្នកសារព័ត៌មានកាលពីថ្ងៃអង្គារ លោកនាយករដ្ឋមន្ត្រី ហ៊ុន សែន បានបញ្ជាក់ច្បាស់ៗថាលោក ហ៊ុន ម៉ាណែត ដែលជាកូនប្រុសច្បងរបស់លោក នៅមិនទាន់ដល់ពេលប្រឡូកក្នុងតំណែងជានាយករដ្ឋមន្ត្រីនៅឡើយទេ បើទោះណាជាលោក ហ៊ុន ម៉ាណែត មានលក្ខណៈសម្បត្តិគ្រប់គ្រាន់នៅពេលនេះក៏ដោយ។ ការលើកឡើងរបស់ប្រមុខរដ្ឋាភិបាលកម្ពុជាដូច្នេះ គឺធ្វើឡើងបន្ទាប់ពីមានការជជែកគ្នាពីការស្នងតំណែងនាយករដ្ឋមន្ត្រីពីឱពុក ទៅកូន ដែលចំណុចនេះត្រូវលោក ហ៊ុន សែន បញ្ជាក់បន្ថែមថាកម្ពុជាជាប្រទេសប្រជាធិបតេយ្យ មិនមែនជាប្រទេសដែលផ្ទេរអំណាចពីឳពុកទៅកូននោះទេ។

ព្រឹត្តិការណ៍កម្ពុជាប្រចាំថ្ងៃ - សវនាការលោក កឹម សុខា៖ បញ្ហាតម្លាភាពត្រូវបានចោទសួរ ខណៈNGOនិងអ្នកកាសែតមិនអាចចូលស្តាប់បាន

ថ្ងៃព្រហស្បតិ៍នេះ គឺជាថ្ងៃទីពីរហើយនៃសវនាការលើលោកកឹម សុខា ប្រធានអតីតគណបក្សសង្រ្គោះជាតិ។ កាលពីម្សិលមិញ តុលាការក្រុងភ្នំពេញ បានរងនូវការរិះគន់ចំពោះការមិនអនុញ្ញាតឱ្យសាធារណជន ជាពិសេស មន្រ្តីសិទ្ធិមនុស្ស និង អ្នកសារព័ត៌មានអាចចូលស្តាប់សវនាការបាន ដោយអនុញ្ញាតឱ្យតែមន្រ្តីស្ថានទូតបរទេសនិងភ្នាក់ងារអង្គការសហប្រជាជាតិប៉ុណ្ណោះ។ ខាងតុលាការបានអះអាងថា ការធ្វើដូច្នេះគឺដោយសារតែបន្ទប់សវនាការតូចដែលផ្ទុកបានត្រឹមតែ៣០នាក់។ ប៉ុន្តែ មន្រ្តីសិទ្ធិមនុស្សបានស្នើឱ្យតុលាការធ្វើយ៉ាងណាឱ្យសវនាការមានភាពទូលំទូលាយ ដើម្បីបង្ហាញពីតម្លាភាពនៃការកាត់ក្តីលើលោកកឹម សុខា។

ព្រឹត្តិការណ៍កម្ពុជាប្រចាំថ្ងៃ - សំណុំរឿង លោក កឹម សុខា៖ អ្នកតាមដាននយោបាយរំពឹងថាមានទោសច្រើនជាងរួចខ្លួន

សំណុំរឿងក្បត់ជាតិរបស់លោក កឹម សុខា ត្រូវបានតុលាការ បើកសវនាការនៅថ្ងៃពុធទី១៥ខែមករានេះ បន្ទាប់ពីប្រធានអតីតគណបក្សសង្គ្រោះជាតិរូបនេះត្រូវបានចាប់ខ្លួនកាលពីដើមខែកញ្ញា ឆ្នាំ២០១៧ ក្រោមបទចោទ «សន្និដ្ឋិភាព» ជាមួយបរទេស។ លោក កឹម សុខា ក្រោយមកក៏ត្រូវបន្ធូរបន្ថយការឃុំខ្លួនផងដែរ ដោយប្តូរពីពន្ធនាគារមកនៅក្នុងផ្ទះវិញក្រោមលក្ខខណ្ឌផ្លូវច្បាប់មួយចំនួន។ ជុំវិញសវនាការកាត់ទោសលើរូបលោក កឹម សុខា នៅថ្ងៃនេះ អ្នកតាមដានសង្គម និងអ្នកវិភាគនយោបាយនានា នៅក្នុងប្រទេសកម្ពុជា បានរំពឹងទុកផ្សេងៗគ្នាពីការវិវត្តន៍នៃសំណុំរឿងនេះ ទៅតាមសេណារីយ៉ូខុសៗគ្នា។